* ជនសង្ស័យដែលល្មើសទៅនឹងបទល្មើសព្រហ្មទណ្ឌ យ៉ាងហោចណាស់ ៣៧នាក់ ត្រូវបានសមត្ថកិច្ចឃាត់ខ្លួននៅទូទាំងប្រទេស ក្នុងថ្ងៃទី ១៥ សីហា * អាវុធហត្ថខេត្តបន្ទាយមានជ័យ បញ្ជូនក្មេងទំនើងចំនួន០៥នាក់ ទៅសាលាដំបូងខេត្តចាត់ការតាមនិតិវិធី * ចោរជើងខ្លាំងពូកែខាងលួចប្រចាំបំបន់ក្រុងប៉ោយ ត្រូវកំលាំងនគរបាលក្រុងប៉ោយប៉ែតឃាត់ខ្លួនបានហើយនិងបញ្ជូនទៅដាក់គុកនៅពេលខាងមុខ * អនុសាខាកាកបាទក្រហមកម្ពុជាស្រុកបាណន់ នាំយកអំណោយទៅផ្តល់ជូនគ្រួសាររងគ្រោះដោយខ្យល់កន្ត្រាក់ចំនួន ២គ្រួសារ រស់នៅឃុំស្នឹង ស្រុកបាណន់ ខេត្តបាត់ដំបង * សាខាកាកបាទក្រហមខេត្តសៀមរាប អញ្ជើញចុះសំណេះសំណាលសួរសុខទុក្ខ និងនាំយកអំណោយមនុស្សធម៌ជូនដល់អ្នកផ្ទុកមេរោគអេដស៍ចំនួន១០នាក់ * លួចឡានវត្តយកទៅលក់ ព្រះមិនជួយនគរបាលឃាត់ខ្លួន * គ្រាន់តែឌឺដងពាក្សសំដី យកដុំថ្មគប់ត្រូវក្បាលបណ្តាលឲ្យស្លាប់ ជនសង្ស័០២នាក់ត្រូវចាប់ខ្លួន * កម្លាំងនគរបាលក្រុងប៉ោយប៉ែត ស្រាវជ្រាវឃាត់ខ្លួនជនសង្ស័យប្រុសស្រី សរុបចំនួន២៦នាក់ ជាមុខសញ្ញាឆក់ទូរស័ព្ទដៃកក្រើកនៅក្រុងប៉ោយប៉ែត * បុរសចិត្តសឿងដែលទាញខ្សែក្រវ៉ាត់ វា.យ ទៅលើនគរបាលចរាចរណ៍ ដោយខឹងឃាត់ម៉ូតូ និងផាកវិន័យខ្លួន ពេលនេះត្រូវបញ្ជូនទៅតុលាការហើយ * សមត្ថកិច្ចខេត្តសៀមរាបឃាត់ខ្លួនជនបរទេសម្នាក់ ករណីហិង្សាដោយចេតនាមានស្ថានទម្ងន់ទោស (យកញញួរវាយជនរងគ្រោះ)

នគរបាលក្រុងសិរីសោភ៏ណ បញ្ជូនជនសង្ស័យលួចគាស់ទម្លុះទម្លាយយកទ្រព្យសម្បត្តិអ្នកដទៃមកការិយាល័យជំនាញ ចាត់ការបន្តតាមនិតិវិធី

ត្រលប់ក្រោយ

ចំនួនទស្សនា៖

256

29/01/22 19:35 PM

ប្រភព៖

បន្ទាយមានជ័យ

ចំនួនទស្សនា៖

256

ប្រភព៖

បន្ទាយមានជ័យ

ជនសង្ស័យចំនួន០៤នាក់ ជាសញ្ញាចោរលួចយ៉ាងសកម្មទោះបីផ្ទះជាប់របងគ្នាក៏មិនលើកលែងដែរក្នុងភូមិសាស្ត្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ កម្លាំងនគរបាលសិរីសោភ័ណ ស្រាវជ្រាវឃាត់ខ្លួន នៅវេលាម៉ោង០៦និង៣០នាទី យប់ថ្ងៃទី ២៨ ខែមករា ឆ្នាំ ២០២២ នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។

លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា៖ជនសង្ស័យទាំង០៤នាក់ ត្រូវបានឃាត់ខ្លួនមានឈ្មោះ ១/-សួស សុភីហៅខ្មៅ ភេទប្រុសអាយុ១៦ឆ្នាំ,២/-អ៊ុច ឡើយ ភេទប្រុសអាយុ១៩ឆ្នាំ,៣/-ញឹម ខេន ភេទប្រុស អាយុ១៩ឆ្នាំ,៤/-ផាន់ ផាវ ភេទប្រុសអាយុ១៨ឆ្នាំ ទាំង០៤នាក់ នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។ចំពោះលទ្ធផលដែលកម្លាំងនគរបាលក្រុងសិរីសោភ័ណ សម្រេចបាននេះ ដោយអនុវត្តតាមបអបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តនិងមានការសម្របសម្រួលនិតិវិធី ពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ ។

លោកអធិការនគរបាលក្រុង បានបញ្ជាក់ថា៖តាមបណ្តឹងរបស់ឈ្មោះលឹម ប៊ុនលាង ភេទស្រីអាយុ៥២ឆ្នាំ នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ បានឲ្យដឹងថា មានករណីចោរលួចគាស់គន្លឹះទ្វារផ្ទះរបស់ខ្លួន ខណពៈពេលគាត់ទៅធ្វើបុណ្យនៅឯភ្នំពេញ យកអស់ស្រាបៀរហ្គេនស្ប៊ឹកចំនួន១៣កេស,ស្រាបៀរកម្ពុជាចំនួន០៥កេស,ស្រាបៀរ ABC ចំនួន០១កេសនិងទឹកក្រូចមួយចំនួន ។ក្រោយពីទទួលបានបណ្តឹង កម្ឡាំងនគរបាលជំនាញផ្នែកព្រហ្ម បានធ្វើការស៊ើបអង្កេតស្រាវជ្រាវតាមវិធានការជំនាញ ឈានដល់ឃាត់ខ្លួនជនសង្ស័យឈ្មោះសួស សុភីហៅខ្មៅ មកសួរនាំ នៅអធិការដ្ឋាននគរបាលក្រុងសិរីសោភ័ណ ។នៅចំពោះមុខសមត្ថកិច្ចជនសង្ស័យឈ្មោះសួស សុភីហៅខ្មៅ បានសារភាពថា គេនិងបក្សពួក០៣នាក់ទៀតឈ្មោះ១/-អ៊ុច ឡើយ ,២/-ញឹម ខេន,៣/-ផាន់ ផាវ ពិតជាបានធ្វើសកម្មភាពគាស់គន្លឹះទ្វារផ្ទះរបស់ឈ្មោះលឹម ប៊ុនលាងយកស្រាបៀរនោះមែន ខណៈពេលម្ចាស់ផ្ទះមិននៅរវល់ទៅធ្វើបុណ្យឯភ្នំពេញ។ ក្រោយលួចបានពួកគេយកទៅលក់ឲ្យឈ្មោះ វ៉ាន់ ថន ភេទស្រីអាយុ ៦៧ឆ្នាំ នៅភូមិខ្លាកូនថ្មី សង្កាត់កំពង់ស្វាយ បានតម្លៃ០១កេស៤ម៉ឺន៩ពាន់រៀល ។

លោកវរសេនីយ៍ទោ ព្រហ្ម ប៊ុនធឿន នាយការិយាល័យ នគរបាលព្រហ្មទណ្ឌកំរិតស្រាល បានបញ្ជាក់ថា៖ជនសង្ស័យទាំង០៤នាក់ កម្លាំងនរបាលការិយាល័យជំនាញ បានរៀបចំសំណុំរឿងបញ្ជូនខ្លួនទៅសាលាដំបូងខេត្ត ដើម្បីចាត់ការតាមនិតិវិធីនៅរសៀលថ្ងៃទី២៩ខែមករា ឆ្នាំ២០២២នេះហើយ៕

បន្ទាយមានជ័យ,២៩/០១/០២២=ណុប-រក្សា(២៩០១៦)