សង្ស័យឡើងខុសបច្ចេកទេស អេស្កាវ៉ាទ័រ០១គ្រឿង ធ្លាក់ពីលើឡានក្រឡាប់ផ្ងារជើងលើដី

---

ខេត្តបាត់ដំបង៖ អាស្កាវ៉ាទ័រកូនជញ្ជីង០១គ្រឿងសង្ស័យតៃកុងបើក ឡើងខុសបច្ចេកទេសបណ្តាលអោយផ្អៀងធ្លាក់ពីលើឡានក្រឡាប់ផ្ងារជើងតែសំណាងល្អមិនមានគ្រោះថ្នាក់ដល់មនុស្ស។ 

ប្រភពនៅកន្លែងកើតហេតុបានអោយដឹងថា៖ ហេតុការណ៍អេស្កាវ៉ាទ័រប្រឡាប់បង្កឡើងដោយខ្លួនឯងខាងលើនេះបានកើតឡើងនៅវេលាម៉ោង ១៤និង០០នាទីរសៀល ថ្ងៃទី០៩ ខែកុម្ភៈ ឆ្នាំ២០២២ នៅចំណុចភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង។

ប្រភពបានប្រាប់បន្តថា នៅមុនពេលកើតហេតុគេឃើញបុរសម្នាក់បានបើកបរអេស្ការវ៉ាទ័រ០១គ្រឿងជាប្រភេទកូនជញ្ជីង(បុកគ្រឹះ)ដែលមានយីហោ (ឡាយ ស៊ីគ្រៀម ) មានទទួលបុកគ្រឹះ និងឡានស្ទូច ដែលមានអាសយដ្ឋាននៅភូមិកន្សៃបន្ទាយ ឃុំមោង ស្រុកមោងឬស្សី ខេត្តបាត់ដំបង បានបើកបរចេញពីការដ្ឋានសំណង់មួយកន្លែងនៅចំណុចកើតហេតុខាងលើហើយបានឡើងលើរថយន្ត លុះក្រោយមកទំនងតៃកុងបើកខុសបច្ចេកទេសក៏បណ្ដាលអោយផ្អៀងធ្លាក់ពីលើឡានក្រឡាប់សង្កត់ដើមឈើបាក់ជាច្រើនដើម និងកំពិតដំបូលផ្ទះអ្នកស្រុកបន្តិចបន្តួចតែសំណាងល្អមិនបង្កអោយមានគ្រោះថ្នាក់ដល់មនុស្សឡើយ។

ក្រោយពេលកើតហេតុគេសង្កេតឃើញថាមិនមានសមត្ថកិច្ចជំនាញចុះទៅនោះទេ ដោយសារគ្រឿងចក្រអេស្កាវ៉ាទ័រក្រឡាប់បង្កឡើងដោយខ្លួនឯង និងមិនមានគ្រោះថ្នាក់ដល់អ្នកដទៃ ដូច្នេះមានតែម្ចាស់ខ្លួនឯងយករថយន្តមកស្ទូចឡើង និងសងប៉ះប៉ូវទៅដល់ម្ចាស់ផ្ទះបន្តិចបន្តួចតែប៉ុណ្ណោះ។