ពិធីគោរពទង់ជាតិ​ នៃព្រះរាជាណាចក្រកម្ពុជា នៃអធិការដ្ឋាននគរបាលក្រុងសៀមរាប

---

ដោយ៖SR276

សៀមរាប៖ នៅព្រឹកថ្ងៃទី១៤​ ខែមីនា​ ឆ្នាំ២០២២​វេលាម៉ោង​ ៧:០០នាទីព្រឹក​ លោកវរសេនីយ៍ទោ​ ដា​ ចំរើន​ អធិការ​នៃអធិការដ្ឋាននគរបាលក្រុងសៀមរាប​បានដឹកនាំប្រជុំកម្លាំងនៃអធិការដ្ឋាននគរបាលក្រុងសៀមរាប​ ចូលរួមពិធីគោរពទង់ជាតិ​ប្រចាំសប្តាហ៍​ ដោយមានវត្តមានចូលរួម​ពី​ លោកអធិការរង​ នាយផ្នែក-នាយរងផ្នែក​លោកនាយប៉ុស្តិ៍-នាយរងប៉ុស្តិ៍ ព្រមទាំងមន្រ្តីទាំងអស់ផងដែរ​ ។

ក្នុងឱកាសនោះផងដែរ លោកអធិការ ក៏បានកោតសរសើរ ចំពោះ ថ្នាក់ដឹកនាំព្រមទាំងកងកម្លាំងទាំងអស់ ដែលបានយកចិត្តទុកដាក់អនុវត្តកិច្ចការងារនាសប្តាហ៍កន្លងមក ទទួលបានលទ្ធផលល្អគួរឲ្យកត់សម្គាល់ ។

 ព្រមទាំងបានផ្សព្វផ្សាយផែនការ និងទិសដៅ លោកស្នងការ ដូចខាងក្រោម៖

១.ត្រូវពង្រឹងការងារដឹកនាំបញ្ជា យកចិត្តទុកដាក់ការពារសន្តិសុខសណ្តាប់ធ្នាប់ ពង្រឹងការងារជំនាញ យកចិត្តទុកដាក់ការងារចេញល្បាតពួនស្ទាក់ក្នុងភូមិសាស្ត្រ ដើម្បីបង្ការាល់បទល្មើសគ្រប់ប្រភេទកុំឲ្យកើតមានក្នុងភូមិសាស្ត្រ។

២.ពិសេសពង្រឹងការគោរពវិន័យរបស់កងកម្លាំង ការគោរពតាមឋានានុក្រម និងគោរពបទបញ្ជារបស់ប្រធានអង្គភាព។

៣.បង្កើនស្មារតីយកចិត្តទុកដាក់ការបម្រើសេវាសាធារណៈប្រចាំថ្ងៃជូនប្រជាពលរដ្ឋ ប្រកបដោយក្រមសីលធម៌ សុជីវធម៌ វិជ្ជាជីវៈ និងមានឥរិយាបថល្អ ៕