ម៉ូតូកង់បី ប៉ះម៉ូតូកង់បីដូចគ្នាបណ្ដាលឱ្យក្រឡាប់ផ្ងារជើង និងមនុស្សរងរបួសស្រាលជាច្រើននាក់

---

ដោយ៖SR276

ព្រះសីហនុ៖ មានករណីគ្រោះថ្នាក់ចរាចរណ៍រវាងម៉ូតូកង់បីបុកប៉ះម៉ូតូកង់បីដូចគ្នា បណ្ដាលឱ្យក្រឡាប់ផ្ងារជើង និងមានមនុស្សរងរបួសស្រាលជាច្រើននាក់។ ហេតុការណ៍នេះបានកើតឡើងនៅវេលាម៉ោង ៩យប់ ថ្ងៃទី២១ ខែមីនា ឆ្នាំ២០២២ នៅតាមបណ្ដោយផ្លូវ ឯករាជ្យ ត្រង់ចំណុចស្ទុបធនាគារABAចាស់ ស្ថិតនៅក្នុងភូមិ ២ និង ០៤ សង្កាត់លេខ ០៤ ក្រុងព្រះសីហនុ/ខេត្តព្រះសីហនុ ។

តាមប្រភពនៅន្លែងកើតហេតុប្រាប់ក្រុមអ្នកសារព័ត៌មានយើងថា មុនពេលកើតហេតុបានប្រទេះឃើញម៉ូតូកង់បីមួយគ្រឿង ពាក់ស្លាកលេខ កំពត 1Q-1047 បើកបរដោយបុរសជនជាតិខ្មែរព្រមទាំងមានភ្ញៀវអ្នករួមដំណើរផងដែរ បើកបរក្នុងទិសដៅពីជើងមកត្បូងតាមបណ្ដោយផ្លូវលេខ ១០០ ឆ្ពោះទៅរង្វង់មូលតោពីរខណៈពេលដែលមកដល់កន្លែងកើតហេតុខាងលើ ក៏ស្រាប់តែមានម៉ូតូកង់បីមួយគ្រឿងទៀតពាក់ស្លាកលេខ ព្រះសីហនុ 1J-7615 បើកបរដោយបុរសជាជនជាតិចិន ក្នុងទិសដៅពីលិចមកកើតដោយមិនបានមើលឆ្វេង ស្ដាំ​ អោយបានច្បាស់លាស់ក៏បោះពួយយ៉ាងលឿនឡើងមកចំកណ្ដាលផ្លូវបណ្ដាលឲ្យបុកគ្នាពេញទំហឹង ធ្វើអោយរងការខូចខាតទាំងសង្ខាង និងភាគីខាងអ្នកបើកបរខ្មែរម៉ូតូកង់បីរបស់គាត់បានបះជើងឡើងលើ តែម្ដងដោយសារតែទប់ចង្កូតមិនជាប់ខណៈពេលដែលបុកនោះ។ ចំណែកឯមនុស្សរងរបួសស្រាលទាំងភ្ញៀវនិងអ្នកបើកបរទាំងសងខាង ។

ក្រោយពេលកើតហេតុសមត្ថកិច្ចនគរបាលចរាចរណ៍ផ្លូវគោក បានធ្វើការវាស់វែង ប៉ុន្តេភាគីទាំងសងខាងសុំសម្របសម្រួលគ្នាដើម្បីបញ្ចប់រឿងនៅនឹងកន្លែងកើតហេតុតែម្តង៕