គ្រោះថ្នាក់ចរាចរណ៍ នៅលើផ្លូវជាតិលេខ៣៣ ក្នុងភូមិកំពង់ត្រឡាច សង្កាត់ព្រៃធំ ក្រុងកែប

---

ដោយ៖​ SR276

ខេត្តកែប៖ នៅវេលាម៉ោង៥និង៣០នាទីព្រឹក ថ្ងៃអាទិត្យ ១០រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែមីនា ឆ្នាំ២០២២ មានករណីគ្រោះថ្នាក់ចរាចរណ៍១ កើតឡើងរវាងរថយន្តបុកម៉ូតូបុករថយន្ត(បុកតគ្នា)ទិសដៅបញ្រ្ចាសទិសគ្នា លើផ្លូវជាតិលេខ៣៣ នៅចំណុចទល់មុខស្ថានីយ៍ប្រេងឥន្ទន:តេលា ខាងកើតសេះស ចន្លោះគីឡូម៉ែត្រលេខ១៥-១៦ ស្ថិតនៅភូមិកំពង់ត្រឡាច សង្កាត់ ព្រៃធំ ក្រុងកែប ខេត្តកែប។

បង្កឡើងដោយរថយន្តម៉ាក នីសាន់ ពណ៌ស ស្លាកលេខ ង.5219 ភព2 បើកបរពីកើតទៅលិច ដោយឈ្មោះ ឈី វិសិទ្ធ ភេទ ប្រុស អាយុ២១ឆ្នាំ មុខរបរបើកបររថយន្ត រស់នៅភូមិ ទទឹងថ្ងៃ ឃុំបឹងទូក ស្រុកទឹកឈូខេត្តកំពត បានបុកម៉ូតូ១គ្រឿង ម៉ាកហុងដា C125 ពណ៌ខ្មៅ ពាក់ផ្លាកលេខ កំពត 1K-8467 ផលិតឆ្នាំ ២០១៦ អ្នកបើកបរម៉ូតូ ឈ្មោះ ហុង វណ្ណា ភេទប្រុស អាយុ ៤៦ឆ្នាំ មុខរបរ កសិករ រស់នៅភូមិកោះផ្តៅ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត និងអ្នករួមដំណើរ១នាក់ ឈ្មោះ ម៉ៅ ញ៉េប ភេទ ប្រុស អាយុ ៦៩ឆ្នាំ មុខរបរ កសិករ រស់នៅភូមិអូរច្រនៀង ឃុំកំពង់ត្រាចខាងលិច ស្រុកំពង់ត្រាច ខេត្តកំពត។

ក្រោយបុកម៉ូតូបន្តទៅបុករថយន្ត១គ្រឿង ទៀតដែលមកពីទិសខាងលិច ម៉ាក ហ៊ីយ៉ាន់ដាយ ប្រភេទសណ្តោងរឺម៉ក ពណ៌ទឹកប៊ិចចាស់ ស្លាកលេខ ភ្នំពេញ 3A-2718 (អ្នកបើកបររត់ចោលរថយន្ត មិនទាន់ស្គាល់អត្តសញ្ញាណ)។

ករណីខាងបណ្តាលអោយអ្នកបើកបររថយន្តម៉ាកនីសាន់ ស្លាប់១នាក់ ,អ្នកបើកបរម៉ូតូនិងអ្នករួមដំណើរស្លាប់២ នាក់ ក្រោយពេលកើតហេតុសពជនរងគ្រោះត្រូវបានប្រគល់អោយក្រុមគ្រួសារយកទៅធ្វើបុណ្យទានតាមប្រពៃណីរួចហើយ។

ចំណែកវត្ថុតាងម៉ូតូ និងរថយន្ត ត្រូវបានសមត្ថកិច្ចយើងយកមករក្សាទុកនៅអធិការដ្ឋាននគរបាលក្រុងកែប៕