នគរបាលស្រុកអង្គស្នួល ឃាត់ខ្លួនជនសង្ស័យម្នាក់ ក្នុងចំណោមបីនាក់ កាច់កម៉ូតូ ពលរដ្ឋ

---

សម្រួលផ្សាយ៖SR276

កណ្តាល ៖ ក្រុមចោរបីនាក់ បានធ្វើសកម្មភាពកាច់កម៉ូតូពីប្រជាពលរដ្ឋ បានសម្រេចហើយ តែត្រូវបានម្ចាស់ម៉ូតូឃើញទាន់ ស្រែកចោរៗ ដេញចាប់បានម្នាក់ រត់គេចខ្លួនពីនាក់ ។

ហេតុការណ៌នេះបានកើតឡើងនៅថ្ងៃទី២៥ ខែមេសា ឆ្នាំ២០២២ វេលាម៉ោង ០៩និង៣០ នាទី ព្រឹក ថ្ងៃទី២៥ ខែមេសា ឆ្នាំ២០២២ ចំណុចមុខផ្ទះជួល ស្ថិតក្នុងភូមិព្រៃរការ ឃុំឆក់ឈើនាង ស្រុកឣង្គស្នួល ខេត្តកណ្តាល។

សមត្ថកិច្ចបានអោយដឹងថា ជនរងគ្រោះឈ្មោះ សុត លក្ខិណា ឣាយុ២២ឆ្នាំ មុខរបរ កម្មការិនី ស្នាក់ភូមិព្រៃរការ ឃុំឆក់ឈើនាង ស្រុកឣង្គស្នួល ខេត្តកណ្តាល។

ជនសង្ស័យមានឈ្មោះ ទៀង តុល ភេទប្រុស ឣាយុ៥០ឆ្នាំ មុខរបរមិនពិតប្រាកដ មាន ស្រុកកំណើត ភូមិត្រពាំងថ្លាន់ ឃុំប្របភ្នំ ស្រុកឣង្គរជ័យ ខេត្តកំពត ទើបត្រឡប់មកពីថៃ កាលពីថ្ងៃទី ២៤.០៤.២០២២ មកស្នាក់នៅស្នាក់សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញបាន ០១យប់ ជាឣ្នកធ្វើសកម្មភាពកាច់ករម៉ូតូ។ ចំណែកជនសង្ស័យពីនាក់ទៀតរត់គេចខ្លួន ។

មុនពេលកើតហេតុជនរងគ្រោះ បានទុកម៉ូតូ នៅមុខបន្ទប់ជួល រហូតដល់ម៉ោងកើតហេតុ ជនសង្ស័យមានគ្នា០៣នាក់ ម៉ូតូ០២គ្រឿង ពេលនោះជនសង្ស័យឈ្មោះទៀង តុល ចូលធ្វើសកម្មភាព កាច់ករម៉ូតូ របស់ជនរងគ្រោះក្រោយធ្វើសកម្មភាពបានសម្រេច ជនសង្ស័យ បានបើកម៉ូតូចេញ ជនរងគ្រោះបានស្រែកថាចោៗ និងប្រជាពលរដ្ឋចេញពីក្រោយ បានចម្ងាយប្រហែល ៥០ម៉ែត្រ ជនសង្ស័យ បានផ្តួល(ម៉ូតូជនរងគ្រោះ)ចោលរត់ឡើង ម៉ូតរបស់បក្ខពួកខ្លួន ប៉ុន្តែដួលក៏រត់គេចខ្លួនចូលបឹង។ ចំណែកជនសង្ស័យ០២នាក់ បានបើកម៉ូតូ គេចខ្លួន។

ក្រោយពីទទួលបានព័ត៌មានកម្លាំង នគរបាលស្រុក និងប៉ុស្ដិ៍ឆក់ឈើនាង បានសហការណ៍ជាមួយកម្លាំងអាវុធហត្ថស្រុកបានចុះទៅដល់កន្លែងកើតហេតុ យកបានម៉ូតូរបស់ជនសង្ស័យ ០១ គ្រឿង កម្លាំងនគរបាលស្រុកឣង្គស្នួលធ្វើការឡោមពទ្ធ័ ឃាត់ខ្លួនជនសង្ស័យបានចំនួន ០១ នាក់ ជនសង្ស័បានឆ្លើយសារភាពថា ខ្លួនពិតជាបានធ្វើសកម្មភាពកាច់កលួចយកម៉ូតូជនរងគ្រោះពិតប្រាកដមែន។ ចំពោះករណីនេះកម្លាំងជំនាញកំពុងកសាងសំណុំរឿងតាមនីតិវិធី ៕ប្រភព៖AMS