មន្រ្តីជំនាញ ក.ប.ប. សហការជាមួយអាជ្ញាធរ ចុះត្រួតពិនិត្យទំនិញគ្រប់ប្រភេទនៅតាមទីផ្សារមុនឱកាសពិធីបុណ្យសមុទ្រមកដល់

---

ខេត្តព្រះសីហនុ៖ តាមរយៈការសហការរវាងមន្រ្តីជំនាញ ក.ប.ប. សាខាខេត្តព្រះសីហនុ និងអាជ្ញាធរផ្សារ 

បាននាំយករថយន្តពិសោធន៍ចល័តផ្នែកម្ហូបអាហារ ដើម្បីចុះត្រួតពិនិត្យទំនិញគ្រប់ប្រភេទនៅតាមទីផ្សារ 

ក្នុងខេត្តព្រះសីហនុ។ នេះបើតាមការឱ្យដឹងពីអគ្គនាយកដ្ឋាន ក.ប.ប នៅថ្ងៃទី០៦ ខែធ្នូ ឆ្នាំ២០២២នេះ។

តាមការឱ្យដឹងបន្ថែម ប្រតិបត្តិការចុះត្រួតពិនិត្យនេះ បានធ្វើឡើងរយៈពេល ៤ថ្ងៃ ដោយចាប់ពីថ្ងៃទី២៨ ខែវិច្ឆិកា 

ដល់ថ្ងៃទី០១ ខែធ្នូ ឆ្នាំ២០២២ ។ ដោយឡែក តាមលទ្ធផលដែលបានត្រួតពិនិត្យ គឺបានរកឃើញ និងដកហូតទំនិញខូចគុណភាព

 និងហួសកាលបរិច្ឆេទចំនួន ១៥៨គីឡូក្រាម។

គួរបញ្ជក់ជូនថា ប្រតិបត្តិការចុះត្រួតពិនិត្យទំនិញគ្រប់ប្រភេទនៅតាមទីផ្សារ បានធ្វើឡើង ក្នុងគោល បំណងធានាការពារទំនិញ ដែលមិនមានអនុលោមភាពអាចប៉ះពាល់ដល់សុខភាពប្រជាពលរដ្ឋ ដែលនឹងមកលេងពិធីបុណ្យសមុទ្រនាថ្ងៃខាងមុខនេះ ព្រមទាំងរីករាយជាមួយនឹងការបរិភោគអាហារដែលមានសុវត្ថិភាពចំពោះសុខភាពរបស់ប្រជាពលរដ្ឋ៕