សាខាកាកបាទក្រហមខេត្តព្រះសីហនុ បាននាំយកអំណោយជា ស័ង្កសី និងមីកំប៉ុង ដែលបានមកពីសប្បុរសជន ទៅចែកជូនដល់ប្រជាពលរដ្ឋ ដែលរងគ្រោះដោយខ្យល់កន្ត្រាក់ ដួលរលំផ្ទះខូចខាតស្ទើរតែទាំងស្រុង ចំនួន ៧គ្រួសារ

---

ព្រះសីហនុ៖ នៅរសៀលថ្ងៃព្រហស្បតិ៍ ទី១២ ខែមករា ឆ្នាំ២០២៣ បន្ទាប់ពីទទួលបានអំណោយស័ង្កសី និងមីម៉ាម៉ាកំប៉ុង ពីសប្បុរសជន កាលពីព្រឹកមិញនេះ ឯកឧត្តម គួច ចំរើន ប្រធានគណៈកម្មាធិការសាខា បានចាត់ឲ្យ លោក គាំ សុខុម នាយកសាខា លោក អុី ធារិន ប្រធានគណៈកម្មាធិការអនុសាខាស្រុកព្រៃនប់ ព្រមទាំងមន្ត្រីសាខា អនុសាខា និងអ្នកស្ម័គ្រចិត្ត បាននាំយកអំណោយជា ស័ង្កសី និងមីកំប៉ុង ដែលបានមកពីសប្បុរសជន ទៅចែកជូនដល់ប្រជាពលរដ្ឋ ដែលរងគ្រោះដោយខ្យល់កន្ត្រាក់ ដួលរលំផ្ទះខូចខាតស្ទើរតែទាំងស្រុង ចំនួន ៧គ្រួសារ រងគ្រោះកាលពីថ្ងៃទី១៨ ខែធ្ន ឆ្នាំ២០២២ ដែលខ្វះខាតនូវសម្ភារៈសាងសង់ផ្ទះឡើងវិញ ស្ថិតនៅ ភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ។

ក្នុងឱកាសនោះដែរលោក អុី ធារិ បានពាំនាំនូវប្រសាសន៍ផ្ដាំផ្ញើសួរសុខទុក្ខនិងក្ដីនឹករលឹក អាណិតអាសូរក្រៃលែងពីសំណាក់ ឯកឧត្តម ប្រធានគណៈកម្មាធិការសាខា ជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្ដាំផ្ញើសាកសួរសុខទុក្ខជូនដល់បងប្អូនប្រជាពលរដ្ឋរងគ្រោះដោយក្តីនឹករលឹក និងតែងតែគិតគូរជានិច្ចអំពីសុខទុក្ខរបស់ប្រជាពលរដ្ឋទាំងអស់ ដោយមិនប្រកាន់ពូជសាសន៍ សាសនា ឬនិន្នាការនយោបាយអ្វីឡើយ ។

ជាមួយគ្នានេះលោក ក៏សូមអំពាវនាវដល់គ្រួសារទាំងអស់មបន្តអនុវត្តឲ្យបានខ្ជាប់ខ្ជួននូវវិធានការរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី គឺ៖ ៣ការពារ និង ៣ កុំ ដើម្បីចូលរួមទប់ស្កាត់ និងការពារការរីករាលដាលនៃជំងឺកូវីដ១៩ ទាំងអស់គ្នា ហើយសូមចូលរួមនាំគ្នាទៅចាក់វ៉ាក់សាំងដូសជំរុញអោយបានគ្រប់ៗគ្នា។

ប្រជាពលរដ្ឋទទួលបានសម្ភារៈពីសាខាមាន៖

១.ឈ្នោះ ឡេង សុភ័ណ្ឌ ភេទស្រី ទទួលបាន ស័ង្លសី ៦០សន្លឹក និងមីម៉ាម៉ាកំប៉ុង ១កេសធំ។

២. ឈ្មោះ គីម សុីណាន ភេទស្រី ទទួលបាន ស័ង្កសី ចំនួន ៣១សន្លឹក និងមីម៉ាម៉ា ១កេសធំ។

៣. ឈ្មោះ គង់ ទុន ភេទស្រី ទទួលបាន ស័ង្កសី ចំនួន ២០សន្លឹក និងមីម៉ាម៉ា ១កេសធំ។

៤.ឈ្មោះ វ៉យ សាវឿន ភេទប្រុស ទទួលបាន ស័ង្កសីចំនួន ៦០សន្លឹក និងមីម៉ាម៉ា ១កេលធំ។

៥.ឈ្មោះ លីន សុលឿន ភេទប្រុស ទទួលបាន ស័ង្កសី ចំនួន ៤០សន្លឹក និងមីម៉ាម៉ា ១កេសធំ។

៦.ឈ្មោះ ផាន់ សុផាត ភេទប្រុស ទទួលបាន ស័ង្កសី ចំនួន ២០សន្លឹក។

៧.មុច សន ភេទស្រី ដោយសារមានជីវភាពខ្វះខាតជាងគេ ទទួលបាន ស័ង្កសីចំនួន ១៤សន្លឹក អង្ករ ២៥គីឡូក្រាម មីម៉ាម៉ា ១កេសធំ ទឹកត្រី ១យួរ ត្រីខ ១យួរ ឃីតមនុស្សចាស់១(ក្រមា១ ភួយ១ សារ៉ុង១ មុង១) ឃីតទារក១ និងថវិកាចំនួន ១០មុឺនរៀល៕