ឯកឧត្តម ងី ច័ន្ទ្រផល អញ្ជើញបេីកសិក្ខាសាលា បូកសរុបលទ្ធផល និងការពិគ្រោះយោបល់អំពីការផ្តល់សេវារដ្ឋបាល និងសម្រុះសម្រួលពាក្យបណ្តឹងនៅរដ្ឋបាលថ្នាក់ក្រោមជាតិ (២០១៨-២០២៣)
Facebook
Telegram
Twitter
Linkedin
ព័ត៌មានជាសំឡេង
បន្ទាយមានជ័យ ៖ ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ អញ្ជើញជាអធិបតីភាពបើកសិក្ខាសាលា បូកសរុបលទ្ធផល និងការពិគ្រោះយោបល់អំពីការផ្តល់សេវារដ្ឋបាល និងសម្រុះសម្រួលពាក្យបណ្តឹងនៅរដ្ឋបាលថ្នាក់ក្រោមជាតិ (២០១៨-២០២៣) មានរយៈពេល២ថ្ងៃពេញ (ថ្ងៃទី១៦-១៧ ខែកុម្ភៈ)ដោយមានការអញ្ជេីញចូលរួម ពីសំណាក់ប្រតិភូអមដំណេីរ ក្រសួង ស្ថាប័នពាក់ព័ន្ធ ឯកឧត្តម ខេង ស៊ុម ប្រធានក្រុមប្រឹក្សាខេត្តបន្ទាយមានជ័យ ឯកឧត្តម អ៊ុំ រាត្រី អភិបាលខេត្ត លោក លោកស្រីនាយករដ្ឋបាល នាយករងរដ្ឋបាលរាជធានី ខេត្ត ប្រធាន អនុប្រធាន អង្គភាពច្រកចេញចូលតែមួយរាជធានី-ខេត្ត ប្រធានការិយាល័យប្រជាពលរដ្ឋរាជធានី-ខេត្ត ប្រធានការិយាល័យច្រកចេញក្រុង-ស្រុក ខណ្ឌ ចំនួនជាង៥០០នាក់ ធ្វេីឡេីងនៅសាលប្រជុំធំ សាលាខេត្ត ថ្ងៃទី១៦ ខែកុម្ភៈ ឆ្នាំ២០២៣។
មានមតិចូលរួម ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានក៏បង្ហាញពីមោទនភាពក្រៃលែងដែលក្រសួងមហាផ្ទៃបានសម្រេចជ្រើសរើសយកខេត្តបន្ទាយមានជ័យ ទទួលធ្វើជាម្ចាស់ផ្ទះ និងរៀបចំសិក្ខាសាលាបូកសរុប និងការ ពិគ្រោះយោបល់ដ៏មានសារៈសំខាន់នេះ ដែលមានសមាសភាពមកពីរាជធានី-ខេត្ត ទាំង២៥បានចូលរួម។
ឯកឧត្តម អ៊ុំ រាត្រី ក៏បានបង្ហាញពីប្រវត្តិ និងវឌ្ឍនៈភាពបស់ខេត្ត ដោយឯកឧត្តមបានបញ្ជាក់ថា ៖ ខេត្តបន្ទាយមានជ័យ ជាខេត្តមួយក្នុងចំណោមរាជធានី-ខេត្ត ទាំង២៥ ទូទាំងប្រទេស ដែលបានចាប់បដិសន្ធិនាថ្ងៃទី៧ ខែមករា ឆ្នាំ១៩៨៨ មានចម្ងាយ៣៦០គីឡូម៉ែត្រ ពីរាជធានីភ្នំពេញ មានព្រំប្រទល់ខាងលិចជាប់នឹងប្រទេសថៃឡង់ដ៏ប្រវែង១៥៣គម និងមានច្រកទ្វារអន្តរជាតិចំនួន២ គឺ ច្រកទ្វារអន្តរជាតិប៉ោយប៉ែត និងច្រកអន្តរជាតិស្ទឹងបត់(បានបើកដំណើរការបណ្តោះអាសន្ន) និងច្រកតំបន់ចំនួន២ គឺច្រកទ្វារតំបន់ព្រំដែនម៉ាឡៃ និងច្រកទ្វារតំបន់ព្រំដែនបឹងត្រកួន។
មានប្រសាសន៍បេីកសិក្ខាសាលា ឯកឧត្តម ងី ច័ន្ទ្រផល បានឱ្យដឹងថា ៖ ការរៀបចំឱ្យមានសិក្ខាសាលាបូកសរុបលទ្ធផល និងនិងការពិគ្រោះយោបល់អំពីការផ្តល់សេវារដ្ឋបាល ការសម្រុះសម្រួលដោះស្រាយបណ្តឹងនៅរដ្ឋបាលថ្នាក់ក្រោមជាតិ នាពេលនេះជាផ្នែកមួយនៃការផ្ដល់ការគាំទ្រដល់រដ្ឋបាលថ្នាក់ក្រោមជាតិក្នុងការអនុវត្ត ការងាររបស់ខ្លួនឱ្យកាន់តែមានប្រសិទ្ធភាពខ្ពស់។ ជាមួយគ្នានេះ លទ្ធផលដែលទទួលបានពីការពិភាក្សា និងការចែករំលែកបទពិសោធន៍ក្នុងសិក្ខាសាលា គឺជាធាតុចូលដ៏សំខាន់ សម្រាប់ក្រសួងមហាផ្ទៃ និងក្រសួងស្ថាប័នពាក់ព័ន្ធធ្វើការពិចារណាក្នុងការរៀបចំលិខិតបទដ្ឋាន គោលការណ៍ណែនាំ ក៏ដូចជាការដាក់ចេញនូវវិធានការថ្មីៗបន្ថែមទៀត។
ជាមួយគ្នានោះ ឯកឧត្តម អរគុណចំពោះថ្នាក់ដឹកនាំខេត្តបន្ទាយមានជ័យ ដែគូអភិវឌ្ឍ ដូចជា អង្គការGIZតាមរយៈគំម្រោងISD អង្គការ Action Aid កម្ពុជា និងអង្គការតម្លាភាពកម្ពុជា ដែលផ្ដល់ការគាំទ្រដល់ ការរៀបចំសិក្ខាសាលាបូកសរុបនេះ ក៏ដូចជាការចូលរួមចំណែកនា ពេលកន្លងមក ក្នុងការងារកំណែទម្រង់នានារបស់រាជរដ្ឋាភិបាល កម្ពុជា៕ ណុប រក្សា(29016)
