អភិបាលខេត្តបន្ទាយមានជ័យ អញ្ជើញចុះពិនិត្យ និងបើកដំណើរការសាងសង់ផ្លូវបេតុងផ្លូវ១ខ្សែភ្ជាប់ពីភូមិព្រះពន្លា ទៅភូមិព្រៃឬស្សី សង្កាត់ព្រះពន្លា

---

បន្ទាយមានជ័យ​ ៖​ ដោយមានការគិតគូរយកចិត្តទុកដាក់ពីសំណាក់​ ឯកឧត្តម​ នាយឧត្តមសេនីយ៍​ កែ​ គឹមយ៉ាន​ ប្រធានក្រុមការងាររាជរដ្ឋាភិបាលចុះជួយខេត្តបន្ទាយមានជ័យ​ បានផ្តល់ផ្លូវបេតុងមួយខ្សែប្រវែងជាងមួយពាន់ម៉ែត្រ​ ជូនដល់ប្រជាពលរដ្ឋនៅក្នុង ភូមិព្រះពន្លា​ ទៅភូមិព្រៃឫស្សី នៅសង្កាត់ព្រះពន្លា​ ក្រុងសិរីសោភ័ណ​ ។

ជាក់ស្តែងនៅថ្ងៃទី០៦​ ខែមិថុនា​ ឆ្នាំ២០២៣​ ឯកឧត្តម​ អ៊ុំ​ រាត្រី​ អភិបាលនៃគណៈអភិបាលខេត្តបន្ទាយមានជ័យ​ អមដំណើរដោយអភិបាលរងខេត្ត​ លោក​ ស្រេង​ សុផល​ អភិបាលក្រុងសិរីសោភ័ណ​ និងក្រុមការងារចុះមូលដ្ឋាន​ បានអញ្ជើញចុះបើការដ្ឋានសាងសង់ហេីយ។

លោកស្រី​ ឆាត​ សុជា​ ចៅសង្កាត់ព្រះពន្លា​ បានឱ្យដឹងថា​ ៖​ ផ្លូវដែរត្រូវបានបេីកការដ្ឋាននេះមានប្រវែង​១០៨០ម៉ែត្រ​ ជាប្រភេទផ្លូវបេតុង។ លោកស្រីចៅសង្កាត់​ បញ្ជាក់ថា​ ផ្លូវមួយខ្សែដែរត្រូវស្ថាបនានេះ​ ពីមុនជាផ្លូវដី​ ពេលដល់រដូវវស្សា​ ពិបាកក្នុងការធ្វេីដំណេីរ​ ជាពិសេសសិស្សានុសិស្ស​ បានប្រេីប្រាស់ផ្លូវមួយខ្សែរដេីម្បីធ្វេីដំណេីរទៅសាលារៀន។ ជាក់ស្តែងនៅរដូវវស្សាមានទឹកលិចដោយកន្លែងពិបាកសិស្សានុសិស្សធ្វេីដំណេីរ​ បេីទោះបីមានផ្លូវមួយខ្សែដែលមានបេតុងស្រាប់ក៏ដោយ​ តែសិស្សានុសិស្សនៅតែធ្វេីដំណេីរតាមផ្លូវមួយខ្សែនេះទៅសាលារៀន​ ដោយសារធ្វេីដំណេីរចំណាយពេលតិច​ ឆាប់ដល់សាលារៀន។

ព្រមជាមួយគ្នានោះប្រជាពលរដ្ឋបានសម្តែងនូវក្តីសាទរសប្បាយរីករាយនៅពេលបានផ្លូវបេតុង​ ងាយស្រួលដល់ពួកគាត់ធ្វេីដំណេីរប្រកបរបរកស៊ី​ មិនភ័យព្រួយនៅរដូវវស្សា​ មានទឹកដក​ និងរអិលទៀតទេ។ ជាពិសេស​ពួកគាត់ថ្លែងអំណរគុណចំពោះរាជរដ្ឋាផបាលកម្ពុជា​ ដែលមានសម្តេចតេជោ​ ហ៊ុន​ សែន​ ជានាយករដ្ឋមន្រ្តី​ ដែលតែងតែគិតគូរពីសុខទុក្ខរបស់ប្រជាពលរដ្ឋ​ បានស្ថាបនាផ្លូវជាច្រេីនខ្សែ​ ច្រេីនម៉ែត្រសម្រាប់ប្រជាពលរដ្ឋបាលធ្វេីដំណេីរស្រួល​ ជាពិសេសតាមទីជនបទ​ ដែលបានកែប្រែពីផ្លូវដី​ ទៅជាគ្រួសក្រហម​ បេតុង​ និងក្រាលកៅស៊ូជាដេីម៕