ពិធីបើកវគ្គសិក្សាពង្រឹងសមត្ថភាពជំនាញនគរ​បាល​បច្ចេកទេសវិទ្យាសាស្រ្ត នៅស្នងការដ្ឋានគរបាលខេត្តមណ្ឌលគិរី

---

ខេត្តមណ្ឌលគិរី ៖ នៅព្រឹកថ្ងៃព្រហស្បតិ៍ ៧កើត ខែភទ្របទ ឆ្នាំថោះ បញ្ចាស័ក ព.ស ២៥៦៧ ត្រូវនឹងថ្ងៃទី២១ ខែកញ្ញា ឆ្នាំ២០២៣ នាវេលាម៉ោង៨ និង០០នាទីព្រឹក នៅសាលប្រជុំស្នងការដ្ឋា​ន​នគរបាលខេត្តមណ្ឌលគិរី បានរៀបចំបើកវគ្គសិក្សាពង្រឹងសមត្ថភាពដល់នគរបាលប​ច្ចេកទេសវិទ្យាសាស្រ្ត រយៈពេល០២ថ្ងៃ ដោយគិតចាប់ពីថ្ងៃទី២១ ខែកញ្ញា ឆ្នាំ២០២៣ រហូតដល់ពិធីបិទវគ្គបញ្ចប់ថ្ងៃទី២២ ខែកញ្ញា ឆ្នាំ២០២៣ ។

វគ្គសិក្សានាពេលនេះ បាន​ប្រព្រឹត្តធ្វើឡើងក្រោមអធិបតីភាព ឯកឧត្តម ឧត្តមសេនីយ៍ឯក ឈុន ចាន់សុខា ប្រធាន​នាយ​កដ្ឋាននគរបាលបច្ចេកទេស វិទ្យាសាស្រ្ត និងប្រតិភូអមដំណើរជាតំណាងដ៏ខ្ពង់ខ្ពស់ ឯកឧត្តម ឧត្តមសនីយ៍ឯក មួង សុធា អគ្គស្នងការរងនគរ​បាលជាតិ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី លោក អ៊ាង សុគន្ធ ព្រះរាជ្ញអជ្ញារងអមសាលាដំបូង ខេត្ត​មណ្ឌលគិរី។

ទន្ទឹមគ្នានោះផងដែរលោកឧត្តម​សេនីយ៍ទោ ឡោ សុខា ស្នងការនគរបាលខេត្ត បានឡើងអានរបាយការណ៍ស្វាគមន៍ចំពោះគណ:អធិបតី។ ក្នុងពិធីនោះផងដែរ ក៏មានការចូលរួមពីលោកស្នងការរង ទទួលផែននគរបាលព្រហ្មទណ្ឌ ស្នងការនគរបាលខេត្តក្រចេះ លោក​ស្នងការរងទទួលការងារព្រហ្មទណ្ឌ ខេត្តស្ទឹង​ត្រែង លោកស្នងការរង ខេត្តត្បូងឃ្មុំ លោកស្នងការរង ខេត្តរតនគិរី ព្រមទាំងលោក លោកស្រីស្នងការរងលោកនាយ នាយរងការិយាល័យជំនាញព្រហ្មទណ្ឌ លោកអធិការនគរបាលក្រុងស្រុកទាំងប្រាំ និងលោកនាយប៉ុស្តិ៍នគរបាលរដ្ឋបាលទាំង២១ ឃុំសង្កាត់ដែលបានចូលរួមសរុបចំនួន ១៣០នាក់ ដែលបានចូលរួមក្នុងវគ្គសិក្សានាពេលនេះ៕

ប្រភព៖ អគ្គស្នងការដ្ឋាននគរបាលជាតិ